Convocatoria de Marzu

L'Asociación Xuvenil Burbús convoca diferentes talleres durante'l mes de marzu:

Taller de radio: 18 y 25 de marzu, de 10:30 a 12:30, nos locales de l'Asociación Xuvenil Burbús. El cursu impártese en dos sesiones, y inclúi redacción, llocución, ellaboración de guiones, producción y mini-espacios, así como práctiques nel taller de radio “Radio Asgaya”.

Cursu d'edición de soníu: 22 y 29 de marzu, de 19:30 a 21:00, nos locales de l'Asociación Xuvenil Burbús. Impártese en dos sesiones y inclúi monitorización, mezcles y edición de soníu por ordenador.

Iniciación a la radio: (en collaboración col Centru Municipal d'El Cotu) los díes 17 y 24 de marzu, 19:00 hores. Conceptos, nociones y exercicios básicos pal conocimientu inicial del mediu radiofónicu.

Los talleres tán empobinaos a tolos públicos. Nun se requier esperiencia previa.

Inscripciones: hasta'l día enantes d'iniciase cada cursu, n'Asociación Xuvenil Burbús. Mínimu 5 alumnos pa entamar cada taller.

Pa más información, unviar un email a asgaya@asgaya.com. O, si lo prefieres, llama al 985 13 42 03 y dexa un mensaxe colos tos datos nel contestador. Nosotros pondrémonos en contautu contigo. Tamién puedes solicitar más datos nel Centru Municipal d'El Cotu, Plaza de la República, s/n, Xixón. De llunes a vienres, n'Información.