|
|
| Discu
del mes
Stadium Arcadium
Stadium Arcadium ye'l novenu discu d'estudiu de los californinanos Red Hot Chili Peppers.
La banda tuvo trabayando durante 7 meses na composición y arreglos de los temes enantes
d'entrar a grabar col productor Rick Rubin.
Dani California ye'l primer single y adelantu d'un álbum con 25 nuevos
cantares.
|
| Madonna
Confessions on a dancefloor |
 Confesiones nuna pista de baile, de Madonna. Pa esti discu camentóse enantes el títulu de Defying gravity, que diba ser amás el títulu del primer single. L'adelantu
ye Hung up cola producción de Stuart Price.
Trátase d'un discu all dance record, pa baillar y nun parar.
L'Ambición Rubia volvió a trabayar col productor francés Mirwais Ahmadzai,
que yá produxere los sos dos discos anteriores, Music y American Life, si bien en Confessions On A Dancefloor el so aporte ye menor, ya que garra mayor protagonismu la figura de Stuart Price, director musical na xira Reinvention Tour.
Ente los collaboradores pueden tar Mark "Spike" Stent, Guy Sigsworth, Nelee Hooper, Patrick Leonard, Ray Carroll, Monte Pittman y Will Gregory.
|
| Amaia Montero
Muñeca de Trapo
|
El cantar Muñeca de trapo ye'l primer single de Guapa, el cuartu discu d'estudiu de La Oreja de Van Gogh. El tema entama asina:
"Como esos cuadros que aún están por colgar,
Como el mantel de la cena de ayer,
Siempre esperando que te diga algo más
Y mis sentidas palabras no quieren volar"
Un comienzu sele, cola voz de Amaia Montero acompañada por guitarres acústiques y sintetizadores y un crescendo hasta llegar a un estribillu enérxicu sofitáu por guitarres distorsionaes (Me abrazaría al diablo sin dudar...) marquen los primeros compases de Muñeca de trapo, una composición firmada por La Oreja de Van Gogh ente la balada y el mediu tiempu qu'aborda con durez temes que son comunes a munchos cantares de Guapa: el silenciu, la incomunicación, lo perdío, lo imposible, eso que yá nun va tornar...
Guapa ye'l cuartu álbum d'estudiu de La Oreja de Van Gogh, ta producíu por Nigel Walker y asoléyase coincidiendo col décimu aniversariu de la creación del grupu. Inclúi 13 cantares qu'amiesten el pop característicu de la banda con reggae, ranchera, apuntes de bossa nova, gotes de los 60 y los 70, dalgún arreglu tecno y alcordances a la música americana.
|
|
Van Morrison Pay the devil |
Pay the devil de Van Morrison tien una orientación country. Ta iguáu por 15 temes, trés de los cuales compuso él mesmu: This Has Got To Stop, Playhouse y el cantar que-y pon títulu al álbum.
Inxértense temes popularizaos por Webb Pierce (There Stands The Glass), Hank Williams (Your Cheatin' Heart), Conway Twitty (What Am I Living For), Emmylou Harris ('Til I Gain Control), Big Joe Turner (Don't You Make Me High) y George Jones (Things Have Gone To Pieces), ente otros.
|
| Un tributo a Duncan Dhu Cien Gaviotas |
 Dellos de los grandes grupos y artistes del pop-rock español,
rinden homenaxe a una de les grandes bandes españoles en Cien gaviotas - Un tributo a Duncan Dhu.
19 artistes o grupos. Dalgunos más veteranos y de la xeneración de Duncan Dhu como Hombres G
o Los Secretos, y lo meyor de les xeneraciones moces: Alex Ubago, El canto del loco, La oreja de Van Gogh, El sueño de Morfeo, Pereza, La Sonrisa de Julia o Despistaos.
Nel tema Cien gaviotas collaboraron dellos d'estos artistes.
|
| Rammstein
Rosenrot |
|
La banda alemana Rammstein echa-y una güeyadina a les profundidaes de la lliteratura alemana;
el cantar Rosenrot amiesta'l cuentu de fades de Blanca Nieves y la Rosa Roxa con La rosa nel matu (Heidenršslein) de Goethe. L'álbum esparde histories de xente sobre otra xente, somórguiase nel abismu emocional.
El discu inclúi dende riffs de guitarra y un tecláu atmosféricu, hasta cantares con ritmos más desaceleraos
onde xorrez el llau más románticu como en Wo Bist Du, el cantar más melancólicu. Toes estes combinaciones dan como resultáu un álbum qu'amiesta'l coléricu infiernu y solitariu avance...
El discu ta producíu pol mesmu equipu que trabayare en Reise Reise (2004) Jacol Hellner, Stefan Glaumann y
Howie Weinberg.
Dalgunos de los cantares fueron grabaos nun Cortijo en Málaga, otres d'elles en Berlín, durante la primavera
de 2005. El primer single ye Benzin.
|
|
| |
|
|
| |
 |
|
Too lo que pase per equí cerca y la información más detallada sobre los meyores festivales del país. |
|
 |
|
Si tienes un grupu y quies promocionate nun dexes de visitar la estaya d'asgaya.com. |
|
 |
Sound
therapy
Vienres 22
h.
Sábadu 22 h. (rep)
|
Actívate
Sábadu 12 h.
Domingu 00 h. (rep) |
Vericuetos
Xueves 21 h.
Sábadu 21 h. |
Asbury
Park
Martes 21 h.
Domingu 21 h. |
Los
Confines del Dial
Xueves 23 h.
Domingu 23 h. |
Radium
Llunes 19 h.
Martes 00 h. (rep) |
Jam
Session
Xueves 20 h.
Sábadu 20 h. (rep) |
|
|
|
